एमाले खाचिकोटको आयोजनामा खुल्ला तिज गीत प्रतियोगिता फुद्वाङ बजारमा सम्पन्न

नेकपा एमाले खाचिकोटको आयोजनामा खुल्ला तिज गीत प्रतियोगिता फुद्वाङ बजारमा सम्पन्न भएको छ। उक्त तिज प्रतियोगितामा अनेकौ गाबिसका महिलाहरुले भाग लिनुका साथै सयौको उपस्थित रहेको प्राप्त समाचारमा जनाइएको छ। र सो तिज गीत कार्यक्रम खाचिकोट गाबिसका लक्ष्मण कंडेलको प्रमुख र काशीराज ज्ञवालीले सन्चालन गरेका थिए । साथै उक्त प्रतियोगितामा ८ समुहले भाग लिएका थिए जसमा राधा कृष्ण महिला समुह खाचिकोट ५ पहिलो, जनवादी महिला समुह सन्धिखर्क ९ दोस्रो, श्रीजनशिल आमा समुह खाचिकोट ७ तेस्रो भएका थिए।

रुपन्देहीको बुटवलमा आसपासमा तीजको लहर

अहिले गाउँघरमा तीजको चहलपहल सुरु भएको छ । बिभिन्न पहाडीजिल्ला बाट बसाइसरेर आउकाहरु पनि आ-आफ्नो टोल तथा पथमा जम्मा भएर तीजका भाका गाउँने तथा दर खाने गरेको पाईन्छ । अहिले देशै भरी तीजको लहर निकै बढेको छ । प्राय सधैंजसो यहाँका गाउँगाउमा स्थानीय एकै ठाउँमा जम्मा भएर यसैगरी तीजका भाकामा रमाउने गर्दछन। रुपन्देहीका सबै वार्ड तथा टोलमा अहिले यसै गरि रमाइलो सग तीज मनाउन लागेको देख्न सकिन्छ ।